LAWAK BATAK

HOLSONI NAPOGOS DOHOT NAMORA
Molo hita halak batak on Holsonta Godang do jala masi boan Holsonado
Alai dison hubaen majo sada holso ni halak Namora dohot Napogos
Taringot parsikkola.......

Pajumpang ina - ina di onan napogos dohot namora
Jadi lewatma Sahalak dakdanak parsikkola
Atar manogot dope hira - hira pukul 9 manogot
Jadi disukkun natorasni dakdakonma
eeee...anaha hatopmaho mulak?? 
Donganmu somulak dope ninna natorasnaon
dialusi dakdanakima 
Dipamulak gurukku au, ala so hubayar uang sikkolakku 
ai soadong hepengni oma.........

Asiroha mambege

Didok natorasni dakdanakonma tu namora dongannai
Heee eda... Lungunnai rohakkon mamereng akka gellekkon
Gellekkon nian adong do rohana sikkola alai sibaenon ma naso ada
Bohama au on ninna napogosonma,

Di alusi namoraonma,
Ima eda Ai tungso huattusido
Aupe nga tung marsak au mamikkiri dakdanakon
Ai naso hupaboa - boado tu eda
Nasaminggu nasalpu dope anakku nadi medan i mangido hepeng 2 juta
Borukku nadi Jogjai mangido hepeng 3 juta
Hape sonari nungnga mengido hepeng muse anakku nadi medan i 5 juta
Ai tung sohubutodo manang tudia di baen hepengi,
Ai tung marsak do au nuaeng....
Eeee tahe sambornai au on,,,,,,,,



Hahahahahaa.........
Napogos dohot namora Sarupa Marsokdo Hape
MASISAKKUI SAHITNA BE
 

LAWAK BAHASA BATAK

Supir Nabirit - Biriton VS Oppung Naburju

............Berangkat sada Mobil Sewa sian Medan Tu Sibolga, Attar balga mobilon, molo di Hamian mandok sitolu par opat Jadi di tikki berangkat. Motor on sian medan gokdo sewana Adong naposo, namatua, ba macam ma, alai di tempat duduk nadi tonga2 i adong sahalak opung natua - tua sian si bolga, disi hundul. Berangkat ma Motor on sian medan sahatma motor on di porsea turunma sewa on deba, sahat tu silimbat turun muse sewa debanai, jadi kosongma tempat duduk nadisampingni ompungtai nadi tonga i, alani lojana modomma ompung i di bangku i.

Dung sahat tu balige, dohot di pakpahanTurunma muse penumpang na on, jadi holan 3 halak nae nama di bereng supir i sian kaca nadijolonai sewana jala disukkun tudia hamu natolu i mangalusi tusi borong - borong do hami alai oppung namodom nadi bangkui dang disukkun supir i ala so dibereng.

Dung jonok tu si borong2 tarsunggulma oppung i di bereng dalani, jonok si borong2 dope jadi modom muse ompung i, alai nga bonot mata niari tikki i hira2 pukul 7 botari.

Dung sahat tu si brong2 Turun ma sewana natolu halak i, alai ompung i dang di bereng supir i ala modom, jala oppung ipe dang dungo ala baru dibereng nai daodope pardalananna tusi bolga jadi Mulakma supir i mamboan motor i lao tumedan muse dohot ma oppung i di motori dang diboto supir i.

Dung mulak ibana sian siborong - borong nga hira2 dao sian siborong - borong di bereng supir ima muse tu katca nadijolonai tikki dibereng katcai oppung namodom i hundul jala dibereng ibana dalani jonok nama si borong - borong jadi di ulahi oppungima modom ai so iboto oppung i motor i lao mulak tumedan nama. Alai supir i nga mulai mabiarbe di patakkas supir i ma muse mamereng tu katca nadi jolonai dang adong di bereng jolma alana nungga modom muse oppung i.

Huhutma di baen supir i lagu di motor on jala huhut ibana marende - ende alani biarna, alai dung di tonga dalan tu balige dibereng ibana ma muse katcai adong dibereng jolma alana oppung i pas muse tarsunggul jala di bereng dalan i ah daodope ninna rohani oppung di ulahi muse modom, jala dipatakkas supir i muse mamereng tukatcai dang adong jolma di ida, lamu mabiarma supir i.

Di gas supirima motornai huhut mabiar ibana sai munggal - unggal ma motor on huhut sai di parrohahon ibana tu katca nadi jolonai sipata adong di bereng jolma jala sepata dang adong di bereng, huhut sai di gas motoron oppung i pe mulaima gelisa modom alana dalan nga godang belokan sepatado adong lobang jadi sai sipata hundulma oppung boru i, jala molo songon na lambok di hilala modom muse alai sai patakas supiri tu katca nadijolonai sipata adong jolma jala sipata dang adong.

Huhut di ingani biar ibana di Gas ibana motoron, sahat ma tu Balige i turun ma supir on, lao tu kodei Huhut ma di dok, gogo BEGU.....BEGUU.....BEGUUUUU.....

Alani i hehema jolma nadikodei rame ma jolma ro tu motori, jadi dungoma oppung i alani ributna jala bingung oppung i boasa mulak muse tu pudi motoron,

Turunma oppung i,

Aha do nimmu?? ninnama Tu supir i,,,,

Begu di Motor on oppung ninna supir i tu oppung i, hape oppung i turun sian motor ido,
Didok oppung ima mangalusi Supir i......
"""BEGU MA AMAM BAPATUTDO HUMALAPUT HO, AU SO DI TARUHON HO TUSIBOLGA DI BOAN AU MUSE TU BALIGEON NINNA OPPUNG I MA,,,,??

Gabe mekkel ekkel ma sude nadi kodei, dohot natoropi naro tusi Marnida supiri putcat - putcaton dohot oppung boru i huhut martukkot-tukkot.

Mauliateee Horas.........

HAMAGOAN SINYAL

Di Huta, adong sada kode kopi na tung mansai rame akka ama-ama minum kopi na di kodeon. Alai sahalak sian nasida adong namulak tuhuta sian Jakarta.
Toppu mangkuling ma Handphonni ni ama-ama na sian Jakarta on. Tikki diangkat amatta on HP nai, alai sinyal tarputus-putus, jadi amatta on makkatai sambil saotik antar gogo huhut mandok..
"DAGAH SIAL NA I... MAGO SINYAL..." ninna amanta na sian Jakarta on alani holsoni rohana.

Maklumma naujui sinyal di hutaon sinyal maoldope, HP ni amattaipe namarantenai dope

Tiba-tiba ro ma amanta parkode i sian dapur, langsung di orai ibana sude akka halak na
dikode i, sambil dipaturun ibana ma sordak di pintu ni kode i. Gabe sukkun-sukkun ma sude jolma na di kode, jala disukkun ma amatta i.

Nadikodei : Ai aha na masa amang, boasa toppu laho ditutup hamu kode muna on hape hami barudope minum ??

Parkode : Dang toho be on ... Pasti adong na so tikkos di lapo on... 2 ari na salpu, adong na hamagoan henpon di lapo on, saonari MAGO MUSE SINYAL.....
Pasti adong naso beres di son...

Nadikodei : Oh.. ido amang, molo songoni, rappak ma talului sinyal na mago i.
Asa ta takkup na manakko i....

(hehehe ........ lungunnai ate godangdo akka namarsikkola sian hitaan namamboto teknologi alai akka natua-tua di hutaan ketinggalan teknologi godang dope)

Copy right by http://abner-marbun.blogspot.com

VOICE MAIL

Adong ma muse sahalak ama-ama di Huta Sidiangkat, di jalan menuju beskem nahinan.
Nunga berhasil sude akka anak di amatta on di Jakarta dohot di Medan, jala termasuk
akka na mora do sude akka pinoppar di amatta on. Untuk mempermudah komunikasi dohot akka iannakkonna, dilehon anakna on ma hen pon tu ammatta on.

Disada tikki adong ma siporlu-porlu amatta on tu anakna si no 1 di Jakarta dohot si no 2 di Medan. Hape tikki ditelepon amattai anakna na di Jakarta, tarbege ma suara ni
boru-boru :
Maaf, telephone yang anda hubungi sedang sibuk.

Ala dang boi tarsambung, di telepon amattaon ma tu anakna na di Medan, hape tong na manjawab : Maaf, telephone yang anda hubungi sedang sibuk.
Songon na murhingma bohini amattaon... hape dang leleng pintor masuk ma telepon ni anak ni amatta i na di Jakarta, pintor songonon ma dialusi amatta i...

"Ai boasa sarupa suara ni boru-boru na manjawab akka henpon muna i.
Ai hutelepon ho dohot anggim, ai soara ni boru-boru manjawab.
Sarupa alusna, sarupa suarana, sarupe museng goarna Si Peronikka.
Ai na so adong be boru-boru na asing be dapotmuna be....??"

Copy right by http://abner-marbun.blogspot.com